Cá háit a bhfuil tú ag iarraidh dul?
Thig leat an cárta a tharraingt de láimh nó thig leat é a dhéanamh ar an ríomhaire.
Má dhéanann tú an cárta ar an ríomhaire, seol go díreach chugainn tríd an ríomhphost é: nuacht@aisaonad.org.
Má tharraingíonn tú an cárta de láimh, molaimid é a dhéanamh ar leathanach bán A4. Glac grianghraf de nó déan é a scanadh (seans go mbeidh ort cuidiú a fháil ón mhúinteoir) agus seol isteach chugainn é ag nuacht@aisaonad.org.
Déan do dhícheall pictiúr maith den chárta a fháil, le go dtig linn na mionsonraí a fheiceáil i gceart (b’fhéidir go mbeadh sé ina smaoineamh an cárta a leagan síos ar leathanach bán A3?).
Ar ndóigh, dá mb’fhearr leat an cárta a sheoladh tríd an ghnáthphost chugainn, glacfaidh muid le cártaí ar an dóigh sin fosta!*
f/ch an Áisaonaid
Coláiste Ollscoile Naomh Muire
191 Bóthar na bhFál,
Béal Feirste BT 12 6FE
Contae Aontroma
Beidh muidne ag amharc ar cheithre rud leis na buaiteoirí a roghnú:
🎄 Aois agus rang an duine a rinne an cárta
🎄 An Ghaeilge atá in úsáid sa chárta
🎄 An obair ealaíne sa chárta
🎄 An tsamhlaíocht taobh thiar den chárta
Gheobhaidh an buaiteoir 20 cóip den chárta s’aige / s’aici, le go mbeidh sé nó sí ábalta ceann a thabhairt do gach duine sa teaghlach nó sa rang!
Caithfidh tú na cártaí a chur chugainn roimh 3pm, Dé Céadaoin, an 10ú Nollaig, 2025.
Leathanach baile!
Leathanach baile nuachta
Léigh leabhar
Folláine
Faigh cúnamh