Cá háit a bhfuil tú ag iarraidh dul?
Caithfidh tú cárta Nollag a dhéanamh agus déanfaidh muid cóipeanna den chárta is fearr a phriontáil!
Is féidir an cárta a tharraingt de láimh nó is féidir é a dhéanamh ar an ríomhaire.
Má dhéanann tú an cárta ar an ríomhaire, seol go díreach chugainn tríd an ríomhphost é: nuacht@leighanois.com.
Má tharraingíonn tú an cárta de láimh, molaimid é a dhéanamh ar leathanach bán A4. Glac grianghraf de nó déan é a scanadh (seans go mbeidh ort cuidiú a fháil ón mhúinteoir) agus seol isteach chugainn é chuig nuacht@leighanois.com.
Déan do dhícheall pictiúr maith den chárta a fháil, le go dtig linn na mionsonraí a fheiceáil i gceart (b’fhéidir go mbeadh sé ina smaoineamh an cárta a leagan síos ar leathanach bán A3?).
Ar ndóigh, dá mb’fhearr leat an cárta a sheoladh tríd an ghnáthphost chugainn, glacfaidh muid le cártaí ar an dóigh sin fosta!
faoi chúram an Áisaonaid
Coláiste Ollscoile Naomh Muire
191 Bóthar na bhFál,
Béal Feirste BT 12 6FE
Contae Aontroma
Beidh muidne ag breathnú ar cheithre rud leis na buaiteoirí a roghnú:
🎄 Aois agus rang an duine a rinne an cárta
🎄 An Ghaeilge atá in úsáid sa chárta
🎄 An obair ealaíne sa chárta
🎄 An tsamhlaíocht taobh thiar den chárta
Gheobhaidh an buaiteoir 20 cóip den chárta s’aige / s’aici, le go mbeidh sé nó sí ábalta ceann a thabhairt do gach duine sa teaghlach nó sa rang!
Caithfidh tú na cártaí a chur chugainn roimh 3pm, Dé Luain, an 11ú Nollaig, 2023.
Leathanach baile!
Leathanach baile nuachta
Léigh leabhar
Folláine
Faigh cuidiú